İndiyə qədər bir çox antivirus proqramları istehsal edən şirkətlər öz məhsullarının keyfiyyətinə arxayın idilər. Belə ki, həmin proqramları bütün virusları və troyanları qeydə alır və zərərsizləşdirirdi. Hər gün artan troyan siyahısına dünən biri də əlavə olundu. Dünya mütəxəssislərinin bildirdiyinə görə, ən məşhur 10 antvirus proqramları belə “Limbo-2″ adlanan bu troyana qarşı tam müdafiəni təşkil edəcək gücdə deyillər.

Ekspertlərin bildirdiyinə görə, “Limbo-2″ni yaradanlar bütün müdafiə sistemlərini sındırır və bu proqram yalnız bir insan tərəfindən idarə olunduğundan o virusun tutulması və spesifik xesusiyyətlərinin aşkar olunması xeyli çətin məsələyə çevrilib.

Microsoft şirkətinin apardığı intensiv tədqiqatların nəticəsində məlum olmuşdur ki, virus-troyanın Author (Müəllif) bölməsində “Bacıoğlu” sözləri yazılıb. Bu ifadənin nə anlam kəsb etdiyini anlamayan amerikanlar hakerin hansı ölkədə yerləşdiyini də müəyyən etməkdə çətinlik çəkirlər.

Qarşısı alınmaz olan “Limbo-2″ troyan virusu səssiz şəkildə istifadəçinin kompüterinə daxil olur və yaddşada olan bütün informasiyaları, o cümlədən şifrələri, credit card məlumatlarını oğurlayır.

Ən əsas antivirus proqramları da çarəsiz vəziyyətdədirlər

Dünyanın informasiya təhlükəsizliyi üzrə tanınmış şirkəti olan Malware Araşdırma Laboratoriyasının mütəxəssisi Jacques Erasmus bu mövzuda bildirmişdir: “Limbo-2 bu günə qədər rastlaşdığımız ən ciddi və təhlükəli troyan sayıla bilər. Antivirus proqramları tərəfindən bu cür troyanlar yoxlamadan keçsə də, bir-neçə saatdan sonra tamamilə detektordan itir. Daha maraqlısı isə Limbo-2 troyanın bir çox versiyalara malik olmasıdır. Bu qədər formaya malik troyanın zərəsizləşdirilməsi isə heç də asan iş deyil. Bu troyanı kim yaratdığını bilmirik, amma bircə onu deyə bilərəm ki, bu virus troyanı yaradanlar bundan xeyli pul əldə edəcəklər”